Atuartut pujortartanngitsut unammisinneqalerput
Atuaqatigiit pujortartanngitsut pillugit Paarisa unammisitseqqilerpoq. Unammisitsineq meeqqat atuarfiini atuartunut akullernut sammitinneqarpoq.
Skrevet af Bikki P. Kleist
18. maj 2010 07:03
Meeqqat inuusuttullu peqqinnartumik inuunissamik ilisimanninnerannik annertunerulersitsinissaq Paarisap unammisitsineranut siunertaavoq.
Atuaqatigiit, meeraqataasut, angajoqqaat, ilaquttat, ilinniartitsisut allalluunniit pujortartartut pujortarunnaarsinniarnissaat unammitsitsinermi ukioq manna qitiutinneqassapput. Ajugaatinneqassappullu atuaqatigiit amerlanerpaanik pujortarunnaarsitsisut.
Unammisitsinermi peqataaniartut Paarisamut septembarip ulluisa aallaqqaataat sioqqullugu nalunaareersimassapput.
Nalunaartut akornanni naliliisussat ajugaasunik toqqaassapput, ajugaasullu 30.000 koruuninik akissarsitinneqassapput.
