Aalisagapiluunersuaq nassaarineqarpoq
Aalisagarujussuaq Sverigep sissaani nassaarineqarsimavoq. Aalisagaq taanna 'Sildekongen', qaqutigorsuaannaq takuneqartartoq, 12 meterisut takitigilersarpoq.
Skrevet af Apollo Jeremiassen
- Sissami ikkattunnguami takusaqariasaarpunga. Siullermik isumaqaraluarpunga plastikkersuaq takullugu. Taava takulerpakka isit. Taamaariarmat misissoqqillugu paasilerpara aalisagarsuaq eqqumiitsoq isiginnaarlugu, takunnittoq Kurt Ove Erik Svenska Dagbaldetimut oqaluttuarpoq.
Aalisagaq taanna nunarsuatsinni aalisakkat saanillit takinersaraat, ilisimaneqanngigajavillunilu. Ilimagineqarpoq immami itisuumi uumasuusoq, minnerpaamik 1.000 meterisut ititigisumi.
Aqissiarsuup pisaa eqalorujussuaq immaqa timitarsileqaarput.