Naqinnernik ilisarinnissinnaanngitsut ilinniartinneqarnerat angusarissaarfiuvoq
Dorthe Hansenimut Qeqertarsuarmeersumut silarsuaq nutaaq ammarpoq.
- Nammineq kalaallisut oqaatsit atorlugit atuarsinnaalerluni nuanneqaaq.
Silarsuaq ammartuusivoq, Dorthe Hansen oqarpoq.
Meeraagallaramili silarsuaa allaanerusimavoq:
- Naqinnerit allattarfissuarmiittut soorlumi naluttut pisarineqarsinnaanatik. Apersortinnerma nalaani atera allassinnaavara kinguliara allassinnaanagu, Dorthe Hansen oqarpoq.
Atuarfimmi aamma qinngasaarneqartarsimavoq. Malugisarsimavaa inuit tamarmik isigisinnaagaat allassinnaanngitsoq, naak takuneqarsinnaanngikkaluartoq.
Dorthe Hansen 20-nik ukioqarluni qallunaat nunaanniinniermini naqinninnernik ilisarinnissinnaangitsut atuarfiani atuarsimavoq qallunaatullu atualaarsinnaalluni.
Kalaallisummi?
- Kalaallisut ajornaveqaaq. Soorlumi qallunaaq kalaallisut atuarniaraluarusuttoq.
- Ilinniagaqarnissaq massakkut anguniakkama tulleraa, Dorthe Hansen oqarpoq.