Ataatsimiinnermi oqalugiariaaseq nutaaq atuutilissaaq
Inatsisartut ataatsimiinnerini piffissaq oqalugiarnermut piffissaliussaasup allanngortinneqarnissaanut nutaamik maleruaqqusiortoqaannassaaq.
Skrevet af Apollo Jeremiassen
30. marts 2010 14:20
Allanngortinnissaanut siunnersuut upernaamut Inatsisartut ataatsimiilerpata saqqummiunneqassaaq.
Allannguutissamut siunnersuut maanna Inatsisartunut ilaasortanut Naalakkersuisunullu tusarniaassutigineqarpoq. Upernaamut Inatsiartut ataatsimiilerpata allannguutissatut siunnersuut oqaluuserisassasanut siullerpaanut ilaassasoq, Inatsisartut siulittaasuata, Josef Motzfeldtip nalunaarutigaa.
Taassuma saniatigut suleriaatsip allanngortinnissaanut siunnersuusiornissaq suliaralugu aallartinneqarsimavoq. Siunersuut taanna aatsaat ukiaru Inatsisartut ataasimiilerneranni saqqummiunneqassasoq ilimagineqarsinnaavoq.
