Thailandimi eqqisseqatigiissitsinialerput
Parlamentip atorunnaarnissaa qinersisoqarnissaalu akerliussutsimik takutitsisut piumasaraat. Tamanna ministeriunerup manna tikillugu itigartittarsimavaa. Ataatsimiinnerli pingaaruteqartoq tusagassiortoq Christiane Lund Sørensen Bangkokimiit nalunaarpoq.
Ataatsimiinneq taanna Thailandimi politikkeqarnermi oqaluuserineqartussanngorpoq, tassami Thailandimi ministeriuneq siullermeerluni aatsaat akerliussutsimik takutitsisunik politikkimut akerliuniartunik ataatsimeeqateqarmat. Tamannalu ersiutaavoq naalakkersuisunit arlaatigut iliornikkut sap. akunnerini arlalinni ilami ukiumi ataatsimi akerliussutsimik takutitsisut naalakkersuisullu peersinneqarnissaannik piumasaqaateqartuartut ingerlatinneqartariaqarnerannut. Naalakkersuisut iliuuseqarnissaminnut piumassuseqartutut isikkoqarput, akerliussutsimilli takutitsisut ullut 15-it qaangiutsinnagit parlamentip atorunnaarsinneqarnissaa tassa piumasaraat. Akerliussutsiminnik takutitsisut sisamanngornerup tungaanut eqqissiimissanersut apeqineqarami Christiane Lund Sørensen oqarpoq tamanna oqaatigiuminaatsorujussuusoq, tassami akerliussutsimik takutitsisut oqarmata ullumikkut isumaqatigiinniarnerni qanoq pisoqanngippat taava akerliussutsimik takutitsisarnitik sakkortusineqassasut. Taakkua oqaasii asuli sioorasaarutaannaagunaraluarput, kisiannili ullut arlersulli Bangkokimi qaartartumeerinerit pisarput allaallumi unnuaq eqqaassisoqarluni, tassaasinnaappulli tamakkua sakkortusineqassasutut oqaatigisaat, DR taama allaaserinnippoq.
