New Zealandimi ministeriuneq Ardern ukiut pingasut ingerlaqqittussanngorpoq
New Zealandip ministeriunera Jacinda Ardern ukiut pingasut tulliuttut ministeriunertut ingerlaqqittussanngorpoq.
Qinersinermi inernerit 95 procentiisa kisinneqarnerisa kingorna tamanna paasineqarpoq.
Ardernip partiia Labour qinersinermi qinersisartut 49 procentiisa qinerpaat.
Tamannalu 40-nik ukiullip Ardernip qujamasuutigaa.
- New Zealandimi qinersinermi partii Labouri ukiuni kingullerni 50-ni aatsaat taama tapersersorneqartigivoq, Ardern taama oqarpoq.
Illuatungiliuttut partiiata konservatiivit ajorsarnertik nassuerutigaat.
Ardern coronamik ajornartorsiornerup nalaani tusaamasaalluarsimavoq.
New Zealand corona virusip tuniluunnera upernaaq aallartinniariartoq matuvoq, nunarsuarmilu killilersuinerit sakkortunersaat ilaatigut atuutilersinneqarlutik.
Tamanna pissutigalugu New Zealandimi coronamik toqquteqartut 25-iinnaapput.
New Zealandimi innuttaasut fem milliuunit missaanniipput maannakkullu coronamik tunillatsittoqarsimanani.