Island arferup neqaanik tuniniaasimasutut pasineqarpoq
Uumasunik nujuartanik naasunillu nungutaaqqajaasunik niuerneq pillugu aalajangersagaq CITES naapertorlugu nunat arfanniaqqusaasut nunanut allanut arfanniaqqusaasunut taamaallaat arferup neqaanik tunisaqarsinnaapput, Islandillu tamanna unioqqutissimagaa uumasunik illersuiniaqatigiiffik oqarpoq.
Arferup neqaanik 250 tonsinik Letlandimut januaarimi nassiussisoqarsimanersoq uumasunik illersuiniaqatigiiffiup misissuleruttorpaa, paasissutissallu Islandimi naatsorsueqqissaartarfimmeersuunerarneqarlutik.
Europami oqartussat, CITES, nunani tamalaani politiit suleqatigiiffiat Interpol kiisalu Nunat tamalaat niueqatigiinnikkut suleqatigiffiat WTO uumasunik illersuiniatigiiffimmit International Fond for Dyrevelfærdimit attavigineqareersimapput.