Naqinnernik ilisarsisinnaanngitsut periarfissaat paaserusuppai
Naqinnernik ilisarsisinnaanngitsut periarfissaat qanoq pitsaatiginersut, inatsisartunut ilaasortap Karl Lyberthip paragraf 36 naapertorlugu naalakkersuisunut apeqquteqaatigaa.
Skrevet af Jaaku Lyberth
18. marts 2010 07:57
Naqinnernik ilisarsisinnaanngitsunut inersimasunngoreersimasunut ikiorsiinissamik periarfissat nunatsinni qanoq isikkoqarnersut apeqquteqaammini aamma paaserusuppaa.
Naqinnernik ilisarsisinnaanngitsut inersimasunngoreersimasut nunatsinni najugaqartut arlaqarnissaat ilimagineqarpoq, qularnanngitsumillu ilaat ajornartorsiutertik qaangerniarlugu Danmarkimut atuariartorusukkaluarput akissaqaratilli, Karl Lyberth apeqquteqaammini taamatut allappoq.
Inersimasut naqinnernik ilisarsisinnaannginnertik qaangerniarlugu Danmarkimut atuariartorusuttut arlaatigut tapiiffigineqarsinnaanersut, imaluunniit tapiiffigineqarnissaminnut periarfissaqanngivinnersut Karl Lyberthip apeqquteqaammi paaserisunneqarpoq.
