Nuliakup uikuni ajugaaffigaa

Nalliuttorsiorneq filmimut "The Hurt Locker"-imut iluatsitsiviulluaqaaq. Filmimi tassani pissanganarluinnartumi malittarineqarpoq Irakimi sorsuuffioqisumi amerikamiup qaartartunik ilisimasallip ulluinnarni sulinera, filmilu taanna pissanganarnerpaatut toqqarneqarpoq, arnamillu ilitsersuisumik USA-p oqaluttuarisaanerani perngaammik toqqaasoqarpoq, Katryn Bigelow toqqagaammat.

"The Hurt Locker" inuusaliannguanik arfinilinnik aamma ataqqinaaserneqarpoq. Nutaarsiassaqartitsivimmi Ritzauimi tamanna allaaserineqarpoq.

Filmip "Avatar"-ip assiliillaqqissunik filmiliortoqarsimalluni assiliartarissaarnini akissarsissutigaa, teknikkimut tunngassuteqartut marluk aamma akissarsissutigalugit.

Filmini "Crazy Heart"-imi aamma "The Blind Side"-imi pingaarnertut inuttaasutut akissarsitinneqarput Jeff Bridges aamma Sandra Bullock, taakkulu aatsaat akissarsitinneqalinngillat.

Oscarinik agguaalluni unnuaq nalliuttorsiornersuarmit eqikkaalluni KNR unnugu aallakaatitsissaaq.