Haitimi nunap sajunnera ukiuni nutaanerusuni ajunaarnersuit taamaalilluni annersarilerpaat. Danmarkip Radioata nittartagaani allassimasoq naapertorlugu USA-p naalagaaffiani Ineriartortitsinermut aningaaserissuarmit, IDB-mit, taama oqarsimapput.
Haitimi nunap januaarip ulluisa aqqaneq-aappaanni sajunneranit aseruatitertut annertussusaat aningaaserivissuarmit nalilersorneqarsimapput, taakkulu tassa 8 aamma 14 milliardit dollarit akornanniissangatinneqarput, qallunaat aningaasanngorlugit 44 aamma 76 milliardit koruunit akornanni. Atuarfiit, illut, pisortaqarfiit, aqquserngit attaveqaqatigiinnermullu tunngasut allat sanaartorneqassapput.
Nuna sajummat ikinnerpaamik 217.000-it ajunaarput illoqarfiillu pingaarnersaata Port-au-Prince-p annersaa piuneerutsillugu.