Nuummi politiit aqqusinernik Nuussuarmi assersuinerat atorunnaarsinneqarpoq
Nutartigaq....
Nuummi Politiit KNR-imut nalunaaqutaq arfineq-marlunut tanneq qulingiluanut nalunaarutigaat politiit Nuussuarmi suligasuartinneqarnerat unitsinneqartoq inullu ataaseq tigusarineqartoq.
Nuummi Politiit Nuussuup ilaani Atertami suligasuartinneqarput. Angutip aallaasilisartup tamaani takuneqarsimanera pissutaalluni politiit kalerrinneqarput.
Tamaani najugallit isersimaannaqquneqarput, soorlu aamma innuttaasut allat politiit sulinerannik akornusersuinnginnissaat kaammattuutigineqartoq isersimaannaqquneqartullu aamma.
Politiit innersuussutaasa ataqqineqarnissaat kissaatigineqarpoq. Nuummi Politiit tusagassiutinut nalunaarummi taama allaaserisaqarput.
Politiit Peter Th. Høeghip Aqqutaata Mannguararlu akornanni aqqusineq assersorpaat.
Politiit sumiiffimmi sulinertik naammassigunikku, aqqusinernillu assersuinerit atorunnaarsinneqarpata politiinit nalunaarutiginerumaarpoq.
Paasissutissanik pinartunik ingerlateqqiiniaraanni, apeqqutissaqaraanniluunniit Nuummi Politiit normoraat 70 14 48.
