Illukut ataanni nassaarneq tupinnartuliaq

- Angut taanna ulluni 27-ni qarmakut ataaniissimasinnaavoq, nakorsat TV-qarfimmut CNN-imut oqarput. Angutillumi ilaqutaasa uppernarsarpaat januaarip ulluisa aqqaneq-aappaannili takusimanngikkitsik. Nutaarsiassaqartitsivimmi Ritzauimi taama allaaserinnipput.

- Angut nukillaangasorujussuullunilu panertooqqasorujussuuvoq, timimigulli ajoquserpallaarsimanani, nakorsat ilisimatitsipput.

Angummik 28-nik ukiulimmik Port-au-Princemi napparsimmaviliaassisut oqarput, nuisitsivikumi nassaarisimallugu.

- Nalinginnaanngilaq, ajornanngilarli, nakorsat ilaat nutaarsiassaqartitsivimmut Reutersimut oqarpoq.

Angut ilisimanani oqaluppoq paatsiveerusimaaqalunilu, sulilu qarmat ataaniissoreriataartarpoq.

Angut oqaluttuarpoq illukut ataaniinnermini imermik tunineqartarsimalluni. Nakorsat oqarput, imertinneqartarsimanngikkuni uumasinnaanavianngitsoq, qanorli ililluni imermik pissarsisarsimasarsinnaanersoq paasisinnaanngilaat.

Uppernarsineqarsinnaassappat, angut tassassaaq illukut ataanni sivisunerpaamik uumasinnaasimasoq.