Danmark EM-imi ingerlaqqinnissanersoq assammilluunniit arsartartut angerlaannassanersut ullumi unamminerit marluk aalajangissavaat.Foto: Liselotte Sabroe/Ritzau Scanpix

Unamminerit marluk Danmarkip ingerlaqqinnissaanut aalajangiisussat KNR2-kkut aallakaatinneqassasut

Danmark assammik arsarluni EM-ertoqarnerani ingerlaqqissanersoq pissannganarluinnartumik ullumi paasinarsissaaq.

Danskit assammik arsartartut EM-imi maannamut ingerlalluarpallaanngillat.

Danmarkip assartartui nunarsuarmi OL-imilu pissartaasut, EM-imi maannamut ingerlalluarpallaanngillat, unamminermi siullermi Islandimut ajorsarlutik, Ungarnimullu kingorna naligiiginnarlutik.

Taamaammat Danmark EM-imi ingerlaqqinnissanersoq assammilluunniit arsartartut angerlaannassanersut ullumi unamminerit marluk aalajangissavaat.

Danmarkip EM-imi ingerlaqqinnissaa iluatsissappat marlunnik piumasaqaatitaqarpoq: Tassa Island Ungarnimut ullumi ajugaasariaqassaaq, Danmarkilu Ruslandimut ajugaasariaqassalluni.

Danmarkip Ruslandimut unamminerni kingullerni sisamani ajugaasarpoq, Ruslandili 2016-imit maannamut unammisimanagu.

Rusland EM-imi gruppini unammeqattaarnerni marloriarluni ajorsarpoq, gruppimiillu ingerlaqqinnani.

EM-imi ullumi unamminissat KNR2-kkut toqqaannartumik isiginnaarneqarsinnaapput.

Islandip Ungarnimut unamminissaanut aallakaatitsineq nalunaaqutaq marlunut qiteqquppat aallartissaaq.

Island ajugaassaguni Danmarkip  Ruslandimut unamminissaa pissanganarluinnartoq tullinnguulluni aallartissaaq. Aallakaatitsineq nalunaaqutaq sisamat qaangerlugit tanneq pingasunut aallartissaaq.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Live flyinformation ank./afg.

TTV s 350 Aktuel TV oversigt

TTV s 610 Aktuel Radio oversigt