Kristian Jensen, Danmarkip nunanut allanut tunngasunut ministeriunerata nalaani Vittus Qujaikitsorlu.Foto: Apollo Jeremiassen/KNR

Venstrep Issittoq pillugu oqaaseqartartua Kristian Jensen oqaaseqartartuujunnaarsitaasoq

Kristian Jensenip partiip Venstrep sinnerlugu Issittoq pillugu oqaaseqartartuunera sivikitsuinnaavoq. Venstremmi siulittaasuata tullorsortigisimasaa, Venstre sinnerlugu Issittoq pillugu decembarimi oqaaseqartartunngoraluarpoq, maannali tassannga peersitaalluni.

Danmarkimi aningaasarsiornerup piorsarneqarnissaa pillugu Venstrep, Socialdemokratit, De Radikale De Konservativellu isumaqatigiissusiorfigisariaqarai, Kristian Jensenip aviisimit Jyllands-Postenimit apersorneqarluni siunnersuutigereeraalu Issittoq pillugu oqaaseqartartuujunnarsitaavoq.

Partiimilu aqutsisut oqaloqatigeqqaarnagit taama siunnersuuteqarnini, taassuma Jyllands-Postenimut nassuerutigaa.

Tamannalu maanna kinguneqartitsivoq. Venstrep politikkikkut oqaaseqartartua Sophie Løhde nutaarsiassaqartitsivimmut Ritzauimut taama oqarpoq.

- Partiip iluani malittarisassaqarpugut malitassanik. Taakkulu malinneqarsimanngillat, Sophie Løhde oqarpoq, partiillu siulittaasuata tullersortigisimasaa partii sinnerlugu oqaaseqarsimanngitsoq erseqqissaatigalugu.

Kristian Jensenip Issittoq pillugu partii Venstre sinnerlugu oqaaseqartartuujunnaarsinneqarnermi saniatigut ataatsimiititaliani ilaasortaaffimminit tamani aamma ilaasortaajunnaarsinneqarpoq.

Issittoq pillugu aallartitanut, aningaasaqarnermut ataatsimiititaliami, Savalimmiut pillugit ataatsimiititaliami, Kalaallit Nunaat pillugu ataatsimiititaliami Nunanullu allanut tunngasunut ataatsimiititaliami maannamut ilaasortaagaluarpoq.

Issittoq pillugu oqaaseqartartuunermini Kristian Jensenip nittartakkakkut nutaarsiassaqartitsivikkut Ræsonikkut ukiortaami ilaatigut oqaatigaa Kalaallit Nunaat Danmarkip nunanut allanut tunngasunut politikkiani salliutinneqarnerulersorq, Issittorlu pillugu pissaaneqarniunnermi Danmark nukittunerusutut inissittariaqartoq oqaatigalugu.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Live flyinformation ank./afg.

TTV s 350 Aktuel TV oversigt

TTV s 610 Aktuel Radio oversigt