Pakistanimi tusagassiortut sisamat toqutaapput

Pakistanip avannaata kippasissuani aqquserngup sinaanut inissitamik qaartartumeerisoqarnerani, nunat allamiut sisamat toqutaapput.
Skrevet af Apollo Jeremiassen
03. februar 2010 05:07

Pakistanimi tv-qarfimmit nalunaarutigineqarpoq, toqutaasut tusagassiortuusut nunanit allaninngaaneersut. Qaartartoq qaartinneqartoq nunap immikkoortuani Lowe Dirimi atuarfiit ilaasa eqqaani qaartinneqarpoq. Tusagassiortut taakku bussimut ilaasimapput.

Qaartartumeerisoqarnerani inuit allat qulit aqqunartiterput, taakkunannga meeqqat arfineq marluullutik.

Siusinnerusukkut Talibanit arlaleriarlutik tuniniaasarfissuarni, atuarfinni aamma sakkutooqarfinni qaartitsisareerput. Taamaaliortarput Pakistanip inatsisartuinik uppititsinissaq siunertaralugu.