Ukialerpoq: Nalunaaquttap kinguartinnissaa eqqaamallugu
Ukioriartulerpoq pisarnerlu malillugu nalunaaqutaq akunnermik ataatsimik kinguartittussaavoq.
Allattoq Malik Brøns
Kitaani Tasiilami Qaanaamilu arfininngornermi oktoberip ulluisa 26-anni unnukkut nalunaaqutaq aqqaninngorpat kinguartissavarput qulinngortillugu.
Ittoqqortoormiini sapaammi oktoberip ulluisa 27-anni unnuakkut nalunaaqutaq ataasinngorpat kinguartinneqassaaq unnup qeqqanut kinguartillugu.
Illlersornissaqarfiup sakkutooqarfiini Pituffimmi aamma Danmarkshavnemi aasaanerani ukiuuneranilu nalunaaqutaq allanngortinneqarneq ajormat taakkunani nalunaaqutaq allanngortinneqassanngilaq.