Uummannami erngup aqqutaani imeq atorlugu uffarsinnaalertut, errorsisinnaalerlutik asaasinnaalerlutillu
Uummannarmiut erngup aqqutaanit imeq atorlugu uffarsinnaalerput, errorsisinnaanngorlutik asaasinnaalerlutillu. Imerli suli imersinnaanngilaat.
Erngup aqqutaani erngup atorneqarsinnaaleqqinnera pillugu Nukissiorfiit tusagassiorfinnut nalunaaruteqarmata tamanna paasinarsivoq. Sulisup kukkulluni imeq klorimik akuniarlugu uuliamik qaammat ataaseq sinnerlugu matuma siorna akummaguli erngup aqqutaani imeq uuliamik mingutsinneqarpoq.
AAMMA ATUARUK Nukissiorfiit isumalluarput: Misissuinermi inernerusut ajunngillat
- Erngup aqqutaani imeq suli imerneqarneqarnissamut atorneqarsinnaanngilaq. Imermi suli uuliaqalaarsinnaavoq, kisianni Pinngortitamut Avatangiisinullu Naalakkersuisoqarfiup aamma Nunatta Nakorsaanerata nalilerpaat uffarnissamut, atisanik errorsinissamut, erruinissamut aamma eqqiaanissamut atorneqarsinnaasoq, Nukissiorfiit allapput.
Naalakkersuisoqarfiup nakorsaaneqarfiullu tamanna ataasinngornermi aalajangerpaat.
Taamaalillunilu Uummannarmi sullinneqartartut tamarmik imermik maqittakkamik imeqartut imeq atorsinnaalerpaat, kisianni suli imeequsaanagu.
Illoqarfimmi imeqarfiliami imeq aamma uuliaajarneqarpoq.
