Yilip eqqaani, Kasakhstanip killeqarfiata qanittuani, aput sisoormat 14-t ajunaarput. Tamaanilu nittaalartalimmik aatsaat taamarsuaq ukiut 60-it ingerlanerini anorersuarmat, ikinnerpaamik 13-it qiullutik toqupput. Inuppassuit apummit matoorussaapput, aputilluunniit sisoorneranit ajunaarlutik, Kinami aviiserpassuit tamanna allaaserivaat.
Tusintilippassuit angerlarsimaffeerupput, illorpassuimmi matoorussaapput. Aamma tusindtilippassuit ulluni arlalissuarni sarfaqaratillu imeqarsimanngillat, nutaarsiassaqartitsivimmi Ritzauimi tamanna atuarneqarsinnaavoq.
Uumasorpassuit uumasuusivinniinngitsut aamma qiorarput. Nunaatilippassuit puulukiutitik nersussuaatitillu aamma annaavaat, nerisassaqartinnagillu imissaqartinnginnamikkik.