Timmisartoq Libanonip eqqaani periarfeerunneqarpoq
Inuit ajunaarsimasut marluk nakkarfiup nalaani nassaarineqarsimasut, isumannaallisaanernik suliallit nutaarsiassaqartitsivimmut Reutersimut oqarput. Timmisartoq Libanonip sineriaanit 3,5 kilometerinik avasitsigisumi periarfeerunneqarpoq.
Timmisartoq Ethiopian Airlinesimeersoq minutsini tallimani ingerlaareerluni radarikkut takuneqarsinnaajunaarpoq.
- Timmisartoq qangattariartulermat timmisartoqarfimmi timmisartunik mittunik aallartunillu nakkutiginnittarfimmit ikiorneqarpoq, kinguninngualu periarfeerunneqarluni, Libanonip angallannermut ministeria Ghazi al-Aridi oqarpoq.
Timmisartoqarfimmit oqaaseqartitaq tyskit nutaarsiassaqartitsivianut DPA-mut oqarpoq timmisartoq kallerup-inneranit eqqorneqarsimasoq.
Annaassiniat qulimiguullillu nakkarfiup nalaanukartinneqarput, soorlu aamma Naalagaaffiit Peqatigiit Libanonimi sakkutuui annaassiniarnermut ikiuukkiartortut.
Timmisartup nakkarneranut atatillugu peqqarniisaarniartoqarsimanissaa, Libanonip præsidentiata Michel Suleimanip ilimaginngikkaa, aviisip Jyllandspostenip nittartagaani taama allaaserinnittoqarpoq.