Qallunaaq matoorussaasimasoq oqaluttuarpoq

- Uisakajaaraannimi uumaniarnissamut nukissaraluit ingerlaannaq annaaneqarsinnaapput ingerlaannangajallu toqussutaasinnaalluni, Jens Tranum Christensen nuna sajulermat nerrivimmi ataanut qimaagasuarsimavoq illorsuarlu isammat nerriviata niului isagaluartut taamaattoq 1,5 meterinik takitigisumik 40 centimeterinik silitsigisumik 30 centimeterinillu portutigisumik aalaffissaqaminersimalluni.

Iluatsitserujussuarlunga aalaffissaqarpunga, avatikka tasittaalaarsinnaasimallugit, piffissarlu siulleq sattallunga eqqara soqarnersoq misissoraluarpara, ilaatigut nammineq assaallunga atortorisinnaasannik ujaasillunga, ajoraluartumilli sunnguamilluunnit nassaassaqarsimanngilaq.

Jens tranum christensenip matoorussaaqqanermi nalaani suna piviusuunersoq, sunalu sinnattuinnaanersoq paatsiveerussutigileraluarpai:

Taava imminut oqarfigivunga: taamaattoqarsinnaanngilaq tamaannga killeqartariaqarpoq, sinikkaangama sinnattortarpunga, eqqumagaangamalu eqqumasarlunga, tassami imminut aqussinnaajunnaarnissara ersissutigigakku, nassaarineqarnissannullu neriuuteqartuaannarnissara pingaartittariaqarsimavara, nerrivimmalu saviminertaa kaattarujoortarpara sumiinnersunga tusaatikkumallugu. Taamaaliorsimanngitsuugumami maannakkut toqoreersimassagaluarpunga.

Jens Tranum Christensenip Haitimut uteqqilluni sulileqqinnissi aalajangiussimavaa.