En ørinnguarluunniit annaaneqassanngilaq
Amerikami aningaaseriviit niuernerminnut atatillugu akiliuteqartalissapput. Aningaasarsiornikkut ajalusoorneq pissutigalugu, amerikamiut akileraartartut Wall Streetimik annaassiniarlutik akiliutaat utertinniarlugit, "en ørinnguarluunniit" annaaneqassanngitsoq, USA-mi præsidentip, Barack Obamap oqaatigaa.
Skrevet af Elisa Isaksen
Pilersaarut najoqqutaralugu, aningaaserivissuarnit 50-iusunit 465 milliardit koruunit isertinneqassapput, taakkununnga ilaallutik nunani allamiut aningaaserivii, USA-mi ingerlataqartut. Taamaattorli pilersaarut USA-mi inatsisartunit akuersissutigineqaqqaartussaavoq.
Taamaalilluni Amerikami aningaaseriviit annaanniarlugit naalakkersuisut aningaasarpassuit atugaasa ilaasa utertinneqarnissaat, Obamap misilinniarpaa.