Sisimiut avannaani nuna annertuumik ikuallattoq qamikkuminaatsinneqarpoq
Sisimiut avannaanni kangerlummi nunami maanna ikuallannersuaqaleruttorpoq. Ikuallanneq pujuliortitseqaaq, qatserisartullu pujuliorneq peqqutigalugu qamisaniarnerat ajornakusoorpoq.
Sisimiuni qatserisartunit oqaatigineqartoq naapertorlugu, ikuallanneq inunnut ulorinartorsiortitsinngilaq, ikuallannerli illuaqqanut suli qanillinani.
Kangerluarsuup Tulliup qinnguani nuna ikuallappoq, Sisimiut Kangerlussuullu akornanni aqqummi ussissumik pujorpoq.
Takornariat Kangerlussuup Sisimiullu akornanni maannakkut pisupput, pujorlu najuussugaat ulorianarsinnaalluni.
Upalungaarsimanermut pisortap Ole Kreutzmannip KNR-mut oqaluttuaraa, qatserisartut nunamut ikuallattumut anngussinnaanngitsut pujorpallaarnera pissutigalugu.
Sisimiuni qatserisarfimmiit maanna nalilersorneqarpoq, nuna ikuallattoq qanoq iliuuseqarfigineqarsinnaanersoq.
