Amerikamiut toqutsisuunerarpaat
Iranimi oqartussaasut nalunaarutigaat Muhamedi Teheranimi universitiitimi professoriusoq pikitsitsiniartuusorlu tunniusimasoq. Muhamedili Iranip atomimik qaartartuliorneranut attuumassuteqanngitsoq nalunaarutigineqanngilaq.
Israelimik USA-millu pisuutitsiniarneq tupaallaatissaanngilaq, tassami Israelimiut Iranimiunik, atomimik sakkussiornermik sulialinnik, Iranimi avataanilu toqutseriartarsimasutut pasineqartareermata. Atomitalinnimmi sakkussiornerup unitsinnissaa kinguarsarnissaalu Israelimiunit pingaartinneqarluinnarpoq.
Pisorli taamaaliinnarlugu inernilerneqarsinnaanngilaq. Iranimiut tv-ata pisortanit ingerlanneqartup pisortanut akerliuniartut Israelimiunik Amerikamiunillu kilitsissianik ilaqarnerarlugit qaartartumeerinermut pisuutippai.
Taamalillulu Iranip præsidentianut akerliusut toqutsinermut akulerutinneqarput.
Muhamedili universititimi ilinniartitsisunut allanut 240-nut, præsidentimut qinersinerup siuninngua, illuatungiliuttunik illersuisunut Israelimiut aviisiata ilaanerarpaa.
Iranimi pisortat uppernarsaatissaqarneraraluarlutik toqutsinermut atatillugu suli tigusaqanngillat.