Sila nerumittorsuuvoq
Europami qiianaqaaq, sumiiffiillu ilaanni 40 gradit angullugit issilluni. Taamaattorli maani Nunatsinni - ukiup taamaalinera eqqarsaatigissagaanni - sila nerumittorsuuvoq. Soorlu Nuummi ullumikkut 1 gradimik issippoq.
Skrevet af Elisa Isaksen
Silap taamatut eqqumiilliornera arlalinnit tupigusuutigineqaqqooqqaaq. Tamannali tupigisassaanngitsoq Danmarkimi silasiorfimmit DMI-mit oqaatigineqarpoq.
Silap taamaalisarnera silasiortunit "nikittaannermik" taaneqartarpoq, tassami Europami issikkaangat Nunatsinni issippallaarunnaartarmat, ingammik Kitaani.
- Massakkut isseqannginnerunera Kalaallit Nunaat tamakkerlugu malunniuppoq, DMI nittartakkamini allappoq.
Nunatsinni 2009 aamma pisarnermit kiannerusoq oqaatigineqarpoq. Ingammik juuli aamma aggusti kiannerullutillu panernerupput - taamaalilluni agguaqatigiissillugu Nuummi minus 0,6 gradiuvoq, Narsarsuarmilu plus 2 gradiulluni.