Kælkinik kalitsittarneq ulorianartoq
Danmarkimi apinerata issinneratalu kinguneranik Jyllandip kujataamiut meerartaat, qamutinik sisoraatinik kælkinik ulorinarluinnartumik pinnguaateqalersimapput.
Skrevet af Elisa Isaksen
21. december 2009 07:01
Jyllandip kujataani politiit arlalinnit, meeqqanik kælkinik bilinut kalitsittunik nalunaarfigineqartarsimapput, maannalu politiit mianesoqqusipput.
- Tamanna inatsisinik unioqqutitsineruinnarani, ulorianartorujussuuvoq. Qamutit sisoraatit kælkit bilinit kalinneqartillugit aqunneqarsinnaanngillat. Kælkimi issiasut bilit ataannut pulasoorsinnaapput imaluunniit bilinut uninngasunut imaluunniit ujaqqanut aqquserngup sinaakkutaannut aportoorsinnaallutik, ajoquserujussuarlutillu. Tamanna meeqqanut ulorianarluinnartoq, Bjørn Pedersenip Jyllandip kujataani politiineersup oqaatigaa.
