Nunat 25-it kisimik EU-blokkilu akuersaarput

Silap pissusaata allanngoriartornera pillugu ataatsimeersuarnerup naggaserneqarnera nunat 25-nnaat EU-blokkillu kisimik akuersaarpaat. Nalunaarut politikkikkut inatsisitigulluunniit pituttuinngilaq. Nunat suliffissuaqarfiit annikillilerinissaannik anguniagassaannik, aamma nunat siuarsagassat pisussaaffiinik nutaanik, imaqanngilaq.
19. december 2009 16:03

Lars Løkke Rasmussenip ullaaq aamma nassuerutigaa, ataatsimeersuarnerup inernera kissaatigisaminut naapertuuppallaanngitsoq.

- Isumaqatigiissut immini ajorpallaangilaq, pitsaanerusinnaagaluarporli, ministeriuneq qasoqqarpaseqisoq oqarpoq. Ataatsimeersuarnerlu pissanganartorsiorfiugaluaqisoq ajunngitsumik inerneqarmat nuannaarutigaa.

- Naammagisimaarpara. Ataatsimeersuarneq inerneqarpoq, silallu pissusaata allanngoriartornera pillugu isumaqatigiissuteqarpugut. Nunat maanna atsiussapput, atsiussagunillu isumaqatigiissuterput tapersiissapput. Isumaqatigiissut ingerlaannaq atuutilissaaq, Løkke oqarpoq.

Bonnimi juunimi COP16-eqarnissap, Mexicomilu ukioq ataaseq qaangiuppat ataatsimeersuarnissap, tungaanut ilungersunartorsiussaqalutik, ministeriuneq oqarpoq.

Naalagaaffiimmi Peqatigiit inatsisitigut isumaqatigiissusiorsinnaanngippata, silap pissusaata allanngoriartornera pillugu Naalagaaffiit Peqatigiit aqqutigalugit aaqqiiniarsinnaanngilavut, ministeriuneq ullumi oqarpoq.

Læs også

Døgnrapport: Indbrud og flere forsøg på indbrud natten igennem