Kinap CO2-mik aniatitsinini annikillisinniarpaa
Kinap gassinik silaannarmik kissakkiartortitsisartunik aniatitsinermik annikillisitsiniarluni suliniuteqarnini siullerpaamik saqqummiuppai. Siunnersuut silap pissusaa pillugu Københavnimi qaammatip tulliani ataatsimeersuarnissami Kinap oqallissaarutaatut nalilerneqarpoq.
Skrevet af Mads Lynge
26. november 2009 09:16
CO2-mik aniatsitsinerup 2020-utinnagu 40-t aamma 45 procentit akornanni annikillisinneqarsimanissaa, Kinami nutaarsiassaqartitsiviup Xinhuap nalunaarutigaa, taamaattoq CO2-mik aniatitsineq annikillineqanngikkaluarpat Kinap kissaatigisani malissimasuuguniuk 55 aamma 60 procentit angullugit 2020-mi aniatitsinerussagaluarpoq.
USA-p CO2-mik aniatitsini 2020-utinnagu 17 procentinik annikillisarniarlugit Barack Obamap ippassaq nalunaarutigereeraalu, Kina taama nalunaaruteqarpoq.
Kinap ministeriunerata Wen Jiabaoip Københavnimi ataatsimeersuarnissamut peqataanissaa ullumi aamma nalunaarutigineqarpoq.