Inuttat stafylokokkimik tunillanneqarsimapput

Kilisaammi bakteerissanik stafylokokkinik sapaatip akunnerani kingullermi nassaartoqarnerata kingunerisaanik, inuttat tamarmik nunamut ikaaqqusaajunnaarput. Misissuisoqareermallu inuttat pingasut bakteerissamik tunillanneqarsimasut paasineqarpoq.

- Nakorsiartarfimmi napparsimmavimmilu sulisut umiarsuarmut ikaarlutik, tunillatsissimasunik katsorsaapput. Tamatuma saniatigut inuttat tunillatsinnginnissaminnut qanoq iliuuseqarsinnaanersut oqaluttuunneqarput, umiarsuarlu tamakkerlugu immikkut ittumik eqqiarneqarluni.

Canadamiut kilisaataat aallareerpoq, taamaammat Gert Mulvadip suliaq naammassisimasutut inernilerpaa.

Bakteeriaq stafylokokki inunnut peqqissunut ulorianaateqanngilaq, aatsaallu tunillatsissimasup attorneratigut tunillaassinnaalluni.