Ilinniartitsisoq: Innarluutillit inuunerissuusariaqarput
Ilinniartitseriaaseq meeqqat atuarfianniit allaanerusumik ingerlanneqartarpoq, ADHD-ertunut, autismertunullu atuartunut naleqqussagaasumik ingerlanneqartarluni. Qanormita meeqqat ADHD-mik autismemillu innarluuteqarnerat paasineqarsinnaava? Atuarfik Qilalugarmi ilinniartitsisoq Amos Frederiksen nassuiaavoq:
- Timaatigut takuneqarsinnaanngilaq, meeqqatut allatut isikkoqartarput. Meeqqerivinni sulisut atuarfinnilu ilnniartitsisut ataasiakkaat paasinnittarput, assersuutigalugu PPR-ikkunnut ingerlatitseqqiisarlutik misissugassanngorlugu imaluunniit meeqqat arlaatigut atuartinneqarneranni malinnaarpiarsinnaanngitsut PPR-imut innersuunneqartarput, Amos Frederiksen oqarpoq.
Atuarfik Qilalugaq ADHD-eertut autismertullu atuarfiat nalinginnaasumik atuartitsinermiit allaanerusumik atuartitseriaaseqarpoq.