CO2-mik aniatsineq Norgemi annikilliseriaqqinniarpaat
Silap pissusaata allanngoriartorneranut pilersaarunni annertooq suli pitsanngorsaqqinniarlugu Norgemi naalakkersuisut eqqarsaatigaat, Naalagaaffiit Peqatigiit Københavnimi decembarimi ataatsimeersuarnissaannut tamanna iluaqutaasinnaassappat, Norgimi ministeriuneq, Jens Stoltenberg, taama oqarpoq.
21. september 2009 13:50
Norgip, uuliamik nunarsuarmi avammut nioqquteqarnerpaat tallimarisaata, CO2-mik aniatitsinini 30 procentimik 2020-mi annikillisinnissaa anguniassallugu akuersereerpoq, uuliamit isertitarisartakkani ilaatigut atorlugit CO2-mik aniatitsinerunissamut akuersissutinik pisisarniarluni.
- Københavnimi isumaqatigiissuteqarnissamut iluaqutaassappat, 30 procent sinnerlugu annikillisaarusunnerput ammaffigaarput, ministeriunermut qinigaaqqeqqammersoq Jens Stoltenberg erseqqissaavoq.
Silap pissusaa pillugu Norgip anguniagai nunarsuatsinni annerpaanut ilaapput, 2030-milu suli sakkortunermik anguniagaqarniarpoq.
