Iranip præsidentia: juutit 6 milliuunit toqorarneqarnerannik oqaluttuaq salluuvoq
Iranip præsidentia Mahmoud Ahmadinejead Iranip illoqarfiisa pingaarnersaanni Teheranimi inuppassuarnut oqalugiartilluni oqaatigaa, sorsunnersuuup aappaani nazistit juutinik malersuisimanerannik oqaluttuaq sallunerusoq
Skrevet af Jaaku Lyberth
Inuppaasuit Teheranimi ullumi katersuupput, palæstiinamiunik tapersersuillutik ukiumoortumik katersuuttarnertik malunnartillugu. Ulloq taanna taaguuteqartinneqarpoq Jerusalaap ullua. Nazistit juutinik malersuisimanerannik oqaluttuamik Ahnmadinejadip salluneraanera, nunarsuarmioqataasunit assuarineqarpoq, ilaatigut USA-mit Tysklandimillu uparuarneqarluni. Ahmadinejad nunagisaminut kanngunarsaavoq, tyskit nunanut allanut ministeriat Frank-Walter Steinmeier oqarpoq.
Sorsunnersuup aappaani nazistit kisermaassillutik tysklandimi naalakkersuisuuneranni Adolf Hitler siuttoralugu, juutit 6 millioner sinneqartut toqutaapput.