Kalaaleq Danmarkimi saniliminik unataasoq
Angutip 24-nik ukiullip, kalaallinit kingoqqisup, Svendborgimi inissiat ilaanni najugallip, sanilini angut ippassaq unatarsimavaa, inissiallu taassuma inigisaata annersaa sequtseriffigisimallugu.
Skrevet af Elisa Isaksen
30. august 2009 16:59
- Ualilluinnarnerani nalunaaqutaq arfininngulersoq kalaaleq taanna aalakooqaluni inissiamut angutip najugarisaanut isersimavoq, baseballernermilu anaalerummik arlaleriarlugu anaalerlugu. Taamaaleriarluni inissiap igalaavi tamaasa matulu aserorterpai, inissiap opgangimut matua ilanngullugu.
Kalaallip taamaaliornini politiinut nassuiarsimavaa, taamaaliorsimalluni sanilini ammip qalipaataanik immikkoortitsisuummat, Lars Fredensborg, Fynimi politiineersoq, aviisimut Ekstrablademut taama oqarpoq.
