Portugalimi nuna sisoormat inuit tallimat ajunaarput
Portugalip sineriaani takornariat ornittagaani Algarve-mi nuna ujaqqallu sisummata, inersimasut tallimat ajunaarput.
Skrevet af Jaaku Lyberth
Sissami inunnik nalunnguariartunik ulikkaartoq, qaqqap ilaminersua kaanngarpoq, sissamullu nakkaalluni. Angut 60-inik ukiulik arnallu sisamat ajunaarput, annaassininartartut nalunaarput. Ajunaarneq pivoq ippassaq tallimanngornermi ualikkut, sissami Albufeirami. Sissaq taanna Algarvep sineriaani nalunngiariartunit onigarneqarnerpaasarpoq. Algarvep sineriaani qaqqanit sisoortoqarajuppoq, qaqutiguinnarli inunnik ajunaartoqartarluni. Augustip qaammataa Portugalimiut sulinngiffeqarfiginerpaasarpaat, sissamilu ajunaarfiusumi nalunnguariat seqinnisaariallu amerlanerit portugiiusut nutaarsiassaqartitsiviit taamatut allaaserisaqarput.