Nukappiaraq maangaannaq ilisaq Danmarkimi ajunngitsoq nassaaraat
Danmarkimi nukappiaraq sapaatip-akunnerinnaanik pisoqaassusilik, maangaannaq qimanneqarsimasoq ajunngitsoq paarilluarneqarsimarpasissorlu Jyllandip kitaani nassaarineqarpoq.
Anaanassarsiorlugu politiit ulapileruttorput.
Nukappiaqqat marluk orpikkat akornanni Ringkøbeingip avannaani Hee Skolep silataani pinnguartillutik naalungiarsuk allarummik puuginnagaq unnua'qeqqalersoq nassaaraat.
Anaanaasoq suli nassaarineqanngilaq.
-Naalungiarsuk nukappiaraasoq ulorianartorsiunngilaq, peqqippoq paarilluagaasimarpasillunilu, Midt- og Vestjyllands Politi-ni pigaartoq oqarpoq.
-Anaanaasoq erloqisimaguni ingerlaannaq saaffiginninnavianngilaq. Meerarli Herningip napparsimmavianut unitsinneqarpoq. Anaanaasoq ataataasorluunniit saaffiginninngippata inunnik isumaginnittut isumagisariaqarumaarpaat, oqarput.
Nukappiaraq angerlarsimaffimmi inuusimassagunavissoq qaamasumik amiliuvoq, 3 kilo 340 grammimik oqimaassuseqaluni. Angerlarsimaffimmi inuusimanera qalasiata napparsimmavimmi inuusimasutut qilerneqarsimannginneratigut takuneqarsinnaasimavoq.
Politiit innuttaasunik kaammattuipput angajoqqaajusut kikkuuneri ilisimagunikkit politiinut saaffiginneqqullugit.