Nigeriami inuit aporaapput
Sakkutuut isumannaaliisaasut islammimillu upperisallit ilaat Nigeriap avannarpasissuani ulluni kingullerni pingasuni sakkortuumik aporaatereersullu inuit timaat toqungasut 200-nit amerlanerit illoqarfiup Maidugurip aqqusernginit Nigeriami oqartussaasunit piiarneqarsimapput.
Skrevet af Mads Lynge
Ikiuiniaqatigiiffimmit Røde Korsimit taama ilisimatitsipput.
Aporaattoqarmat ikinnerpaamik 600-t toqutaasut politiit isiginnittullu kisitsisaataanni erserpoq.
Upperisarsiortut Talibaninik imminnut taagortut Maidugurimi pingaarnertut najugaqarfiat pingasunngormat unnuakkut eqqaanneqarpoq, tassalu inuit timaat toqungasut 200-nit amerlanerit aqqusinerniit maanna piiarneqarsimapput. Naalakkersuisut sakkutuui 1.000-it missaanniittut sakkutuunik tamaaneereersunik ikiuukkiartortillugit taamani Maidugurimukartinneqarput.