Qinersinermut ataatsimiititaliaq: Bakijev ajugaarujussuarpoq
Kirgistanip præsidentia Kurmanbek Bakijev qinersinermi ajugaarujussuartussanngortoq misissuigallarnerit ersersippaat. Taasinerit sisamararterutaat kisinneqarmata præsidenti 89,4 procentinit taaneqarsimasoq Kirgistanimi qinersinermut ataatsimiititaliaq nalunaarpoq.
Skrevet af Mads Lynge
24. juli 2009 17:02
Illuatungiliuttut qinigassanngortitaata Almasbek Atambajevip taasinernit kisinneqarallarsimasunit 5,9 procentit pissarsiarai.
Illuatungiliuttut oqaatigaat qinersineq taasinertigut assut pipallagaasimasoq. ”Qinersinermi peqquserluttuliortoqarsimanera pillugu uppernarsaatit eqqortut saqqummiutissavavut”, Atambajev isumaqatiminut sisamanngornermi unnukkut oqalugiarnermini oqarpoq. ”Bakijevip akuerineqannginnissaanik taassumalu naalakkersuisuutitaasa atorunnaarsinneqarnissaannik nunat tamalaat kajumissaarumavavut”. Atambajev oqarpoq.
