USA nuannarineqaqqikkiartorpoq

Tassa nalunaarut soorlu imaattoq, Cubami parnaarussivik Guantanamo matuneqarumaartoq, inunnik nunarsuarmi tamaniittunik ima aalassatsitsivoq: Isumaqarpunga præsidenti pitsaasuusoq, tassami inoqatini eqqarsaatigai, Silver Italiameersoq oqarpoq. Præsident Obama pillugu eqqarsaatit pitsaasut nunarsuup USA-mik isiginninneranut tuniluupput. USA-p nuannarineqarnera malunnaatilimmik annertusivoq, taama oqarpoq Andrew Coward, PR Resource Centerimi pisortaasoq. Qitiusoqarfiup taassuma USA-mut isiginninneq pillugu nunarsuaq tamakkerlugu nunani assigiinngitsuni 24-ni inuit 26.000-it akornanni apersuineq naammasseqqammerpaa. Soorlu siorna tyskit 30%-ii USA-mut pitsaasumik isumaqarlutik oqaraluarput, ullumikkullu 64%-iullutik, Coward nassuiaavoq nangillunilu, pingaartumik Europap kitaani nunat nunamik kitaaniittumik taassuminnga nuannarinninnerulersimasut. Nunani muslimeqarfiusuni amerlaqisuni USA siornatigutulli nuannarineqanngitsigaaq, allaallumi nunami ataatsimi suli nuannarineqannginnerulersimalluni, tassalu Israelimi.