Qaammammut inunnik ukiut 40-t matuma siorna tummartoqaqqaarpoq
Inuit siulliit qaammammut nunnimmata ullumikkorpiaq ukiut 40-t qaangiupput.
Nunarsuarmi taamanikkut innuttaasut tallimararterutaasa fjernsynikkut taamanikkut qalipaateqanngilluaasartukkut pissangaqalutik tamanna malinnaavigaat, avataarsualiartartullu Neil Armstrongip, oqaasii uku tusarnaarlugit:
20. juli 2009 08:06
- Inummut alloriarneq annikitsunnguaq - nunarsuarmioqatigiinnulli alloriarnerujussuaq, Neil Armstrong juulip ulluisa 20-anni siullersaalluni, avataarsualiartaat Apollo 11 atorlugu, qaammammut 1969-imi tummarami taama oqarpoq. Nunarsuatsinni pissanngattoqaqaaq, inuppassuillu isumaqaleraluarput qaammat piffissami qanittumi tassaalissasoq illoqarfik nunarsuatta avataatunginnguaniittoq.Taamaakkaluartorli inunnik 1972-imili suli qaammammiittoqaqqinngilaq.USA-p pilersaarutigaa siusinnerpaamik ukioq 2020-imi inunnik tulliani qaammammukartitsiniarluni.
