Sorsunnersuup Aappaani pinerluuteqarsimasoq eqqartuunneqassaaq
Sorsunnermi pinerluuteqarsimasutut pasisamut John Demjanjuk-imut unnerluutiginnissutissat Tysklandimi illoqarfimmi Münchenimi piareerneqalerput, taanna Sorsunnersuup Aappaani inunnik 27.900-nik toqoraanermi peqataasimasutut unnerluutigineqassaaq.
Skrevet af Elisa Isaksen
89-inik ukiulik Demjanjuk, aamma Ivan Peqqarniitsorsuartut ilisimaneqartoq, USA-mit Tysklandimut maajimi tunniunneqarpoq. Taanna sorsunnermi tigusanut inissiivimmi Sobibor-imi Polenimiittumi nakkutilliisutut, nazistit ikiorlugit juutit pinngitsaalillugit ininut gassi atorlugu toqoraavinnut isaatitseqataasarsimavoq.
John Demjanjuk nammineq pisuunnginnerarpoq, ilaqutaasalu oqaatigaat sivisuumik eqqartuussinermut peqataanissamut sanngiippallaartoq. Tysklandimili nakorsat tamatuma akerlerluinnaanik naliliipput, taamaattorli eqqartuussinerup ullormut nalunaaquttap akunnerinik pingasunik killilernissaa innersuussutigalugu.