CIA isertuussamik ingerlatsisimavoq
Suliniut siornatigut præsidentimut tulliusumit Dick Cheney-imit naalakkiuteqartoqarneratigut inatsisartunut isertuunneqartoq, aviisiimi New York Timesimi ullumi allaaserinnittoqarpoq.
Suliniut CIA-p peqqarniisaarnianut qitiusumik akiuiniarfianit, 2001-imi septembarip aqqarnata kinguninnguagut aallartinneqarpoq, iluamilli ingerlanneqarsinnaasimanani. Iliuusissanik pilersaarusiortoqartarpoq sungiusaasoqartarlunilu, taamaattorli annerusumik susoqassanani.
Suliniutip qanoq ittuunera siunertaalu suli tamanut saqqummiunneqanngillat, aamma suliniut Inatsisartut isertortumik paasiniaasarfiannut nalunaarutigineqarsimanngilaq, naak tamanna malittarisassani piumasaqaataagaluartoq.
CIA-mi pisortartaap Demokraatiusup Leon Panettap suliniut isertuussaq taanna tusaramiuk ingerlaannartumik juunip 23-anni unitsippaa, Inatsisartullu isertortumik paasiniaasarfiannut paasissutissiissutigalugu.