Obama aamma Medvedev sakkussakillisarniarput
Atomit atorlugit sakkussiornerup millisarneqarnissaanut killiliussassatut isumaqatigiissuteqartoqartoq, Barack Obamap aamma russit præsidentiata Dmitrij Medvedevip ataatsimeeqatigiinnissaat sioqqullugu, russit Amerikamiullu atorfilittaasa oqaatigaat.
Skrevet af Elisa Isaksen
06. juli 2009 10:44
Præsidentit taakku marluk sakkussakillisaanissamut isumaqatigiissutit, qaammatit arlaqanngitsut qaangiuppata atorunnaartussat taartissaat ullumikkut aqagulu oqaloqatigiissutigissavaat. USA aamma Rusland atominik sakkussiaminnik annertuumik ikilisaanissamut piareersimasut oqaatigineqarpoq.
Obama Moskvamut ullaaq nunnippoq. Obama præsidentitut russit illoqarfiisa pingaarnersaanut siullerpaamik tikeraarpoq. USA-p Ruslandimut attaveqarnini "aallarteqqikkusukkaa" USA-mi præsidentip illorsuanit nalunaarutigineqarpoq.
Sakkussakillisaanissamik isumaqatigiissutip saniatigut, Ruslandip NATO-p sakkutuuisa Afghanistanimiittut, Ruslandip nunataa aqqusaarlugu pilersorneqarsinnaanissaannut isumaqatigiissuteqarnissaq atorfilittat aamma naatsorsuutigaat.
