Upernavik Seafoodip tunisassiorfini matuai
Tunisassiorfiit matuneqarnissaannut aalajangerneq pivoq qaleralinnik tunisassiorfiup Halibut Greenland A/S ip umiarsuarmik tunitsivimmik Upernaviup eqqaani tunitsiviilinissamik aalajangernerata kingora, piginneqatigiiffik tusagassiuutinut tamaatut nalunaarpoq.
Upernavik Seafoodip tunisassiorfiisa matuneqarnerisigut nunami tunisassiorfinni sulisut 200-it missaannik amerlassuseqartut suliaat unitsinneqarput, taamatullu sumiiffinni aalisartut tunitsivigisartagaat matuneqarlutik. Piginneqatigiiffiup tusagassiuutinut nalunaaruteqarnermini allappoq, tunisassiorfiit matoqqatinneqarallassasut, tunisassioqqilersinnaanermut aaqqiisoqarnissaata tungaanut.