Kommunimi qinikkat tallimat inatsisartunut ilaasortanngorput
Kommuneqarfik Sermersuumi kommunalbestyrelsimimi ilaasortat 21-iusut akornanni tallimat Inatsisartunut aamma qinigaapput.
Skrevet af Mads Lynge
Tasiilameersoq Harald Bianco, Inuit Ataqatigiit sinnerlugit inatsisartunut qinigaavoq, soorlu aamma Siumumeersut Per Berthelsen aamma Doris Jakobsen inatsisartunut qinigaasut.
Jens B. Frederiksen aamma Astrid Fleischer Demokraatit sinnerlugit aamma inatsisartunut ilaasortanngorput.
Demokraatit sinnerlugit ilaasortat naalakkersuisoqatigiinnut ilaasortanngussanersut naalakkersuisunngortitsiniarluni isumaqatigiinniarnerit maanna ingerlanneqaleruttortut takutikkumaarpaat.
Taamaassappat Demokraatit sinnerlugit kommunalbestyrelsimut ilaasortat sulinngiffeqarallarnissamik qinnuteqartariaqassapput, soorlu Per Berthelsen siorna taamaaliortoq.