Per Berthelsen kommunalbestyrelsimut ilaasortanngoqqippoq
Qinigaaffik aallartimmat Per Berthelsen borgmesterip tullia siullertut inissikkaluarpoq, siornali ukiakkut aningaasaqarnermut naalakkersuisunngornermi kingorna sulinngiffeqarallarnissamik qinnuteqarpoq.
- Soorunami kommunalbestyrelsimut uteqqissaanga. Naalakkersuisunngornissara pillugu sulinngiffeqarallarnikuuvunga, kommunalbestyrelsimullu uternissara qinersisartunut neriorsuutigereerpara, Per Berthelsen oqarpoq.
Siumukkut ilaasortaatitaat taamaasillutik ataatsimik ilapput, Demokraatillu ataatsimik ilanngarlutik.
Inuit Ataqatigiit, Demokraatit kiisalu Per Nukaaraq Hansen Kommuneqarfik Sermersuup kommunalbestyrelsiani suleqatigiipput, katillugit aqqaneq-marlunnik ilaasortaatitaqarlutik. Siumut aamma Atassut katillutik qulingiluanik ilaasortaatitaqarput.
Demokraatit sinniisussaatitaat Poul Hansen kommunalbestyrelsimi ilaasortaajunnaassaaq, Per Berthelsenilu ilaasortanngussalluni.