Kulturikkut illorsuaq Taseralik siorna sinneqartooruteqarpoq
Aningaasat kaaviiaartitat missingersuutinut naleqqiullugit amerlanerupput, sinneqartoorutillu 250.000 koruunit ataaqqutilaarpaat.
Taseralik Sisimiormiunit ornigarneqarluartoq kisitsisit takutippaat.
Kulturikkut aaqqissuussinerit assigiinngitsut 80-it ingerlanneqarput, ataatsimeersuartitsisoqarsimallunilu. Filmertitsinerit, kulturikkullu aaqqissuussinerit Sisimiuni innuttaasunit ornigarneqarluarput, Taseralik katillugit 31.842-nit pulaarneqarsimalluni.
- Aggertoqartanngippat kulturhuseqarnavianngilaq. Qujanaq immersueqataalluarnissigut kulturikkut illorsuarput uummaarissumik aallartitseqataaffigigassiuk, Taseralimmi siulersuisut siulittaasuat Jens Johansen oqarpoq.