Rusland atomimik nukiliorfiliornialerpoq
Aviisi naapertorlugu uuliasioqatigiit Gazprom, Ruslandimi uuliasioqatigiinni annersaasut, atomimik nukiliorfinnik Barentip imartaani iniissiniarpoq, nukiliorfiit taakku tamarmik immikkut 70 megawattiussapput, tamarmillu marlunnik reaktoreqassallutik. Atominit nukiliorfimmit eqqagassat nukiliorfiit namminneq toqqortassavaat, nukiliorfiillu imatorsuaq suliaqutaanatik ukiuni aqqaneq-marlunni 14-iniluunniit atorsinnaassallutik.
Avatangiisinulli illersuiniaqatigiit, Bellona, Issittumi uuliasiornissamut gassisiornissamullu atugassanik atomimik nukiliorfiliorniarneq assuareqaat.
- Navianartorujussuussaaq. Arlaatigut ajutoortoqaraluarpat soriarsinnaanavianngilavut. Issittumi avatangiisit qajannareeqisut radiop qinngornerinik kissamillu aniasoqalerpat isumakulunnassaqaaq, avammut oqaaseqartartoq, Igor Kudrik, aviisimit The Guardianimit apersorneqarluni oqarpoq.