Borgmesterit kinguarsaaqqusinngillat
Nunatsinni kommunini sisamaasuni borgmesterit maanna ataatsimoorlutik Naalakkersuisut qinnuigaat, kommunini sanaartorneq Inatsisartunut qinersinissamit kinguarsarneqaqqunagu.
![](/sites/default/files/styles/image_934x467/public/article_images/kran2_knr_02.jpg?itok=5-gQisUQ)
Skrevet af Elisa Isaksen
Qaasuitsup Kommuniani, Qeqqata Kommuniani Kommune Kujallermi aamma Kommuneqarfik Sermersuumi borgmesterit isumaqarput, 2009-mi aningaasanut inatsimmi kommunini sanaartugassanut atugassat taama annertutigisumik kalluarneqarnerat isumakulunnartoqartoq, Jess Svane, Hermann Berthelsen, Simon Simonsen aamma Asii Chemnitz Narup, ataatsimut nalunaarumminni taama allapput.
- Tamanna tunngavigalugu Naalakkersuisunut ilungersortumik kaammattuutigerusupparput, inatsisartunut qinersinissap kommunini sanaartornissanut kinguarsaataananilu akitsorsaataassanngitsoq, borgmesterit allapput.
Taakku naalakkersuisut kaammattorpaat, ataatsimoorussamik soqutigisat aallaavigalugit, piumasaqaatiminnik tusaaniaqqullugit.