Aalisartut akerliussutsimik takutitsilerput
Aalisartut inuuniarnerminni atukkaminnik naammaginnikkunnaarput. Nuummi aalisartut piniartullu peqatigiiffiata Nunatsinni aalisartoqatitik akerliussutsimik takutitseqataanissaannut kajumissaarpaat.
- Saarullinnik minnerpaamik 10.000 tonsinik pisariaqartitsivugut, kisianni oqartoqarniartarpoq piujuaannartitsineq ulorianartorsiortikkipput, tamanna paasiuminaappoq, NAPP-p siulittaasua Lars P. Mathæussen oqarpoq, nangillunilu:
- Inuiaqatigiinnut paaseqquarput aatsaannarluta suliaqarata uninngaannarumanngitsugut. Massakkummi aalisarunnaavippugut, Lars P. Mathæussen oqarpoq.
KNAPK-p siulittaasua akerliussutsimik takutitsiniartunut tapersiilluni oqarpoq naammagittarneq naammalertoq.
- Immikkoortoqarfitta oqaatigiumavaat, nunatta tamarmi paasissagaa, naammagittarneq tamaanga killeqartariaqartoq, Leif Fontain oqarpoq.