Jakob Skade toquvoq
Jakob Skade inatsisartuni sulinini nangillugu Nuummut peqqammeraluarluni, 65-inik ukioqarluni Sanami unnuaq toquvoq. Inatsisartut Siulittaasoqarfiata ullaaq manna aalajangerpaa Inatsisartut ullumi ataatsimiinnissaraluat taamaatiinnarneqassasoq.
Skrevet af Najaaraq Egede
05. oktober 2010 08:03
Kattusseqatigiit Partiiat sinnerlugu inatsisartuni ilaasortaq Jakob Skade ilaquttamini qaniginerpaasamini toqusoqarnera pillugu inatsisartut ukiarmanna ataatsimiilerneranni sulinngiffeqarsimalluni Nuummut uteraluarluni tassanngaannaq unnuaq toqukkut qimaguppoq.
Jakob Skade Inatsisartunut siorna qinersisoqareersorlu Anthon Frederiksen naalakkersuisunut ilaasortaalermat inatsisartuni ilaasortanngorpoq.
