Savalimmiormiut aningaaseriviat ajornartorsiulerpoq
Savalimmiuni aningaaseriviit ilaat Eik Banki aningaaserivinnik nakkutilliisunit nakkutigineqalerpoq. Eik Bankip aningaasaliisussarsiortariaqalernera ilutigalugu pisortat qulliunerpaat marluk siulersuisullu siulittaasuat tunuarput.
Skrevet af Elisa Isaksen
Eik Bank Savalimmiuni aningaaseriviit annerit ilagaat, aningaaseriviullu taamatut nalunaaruteqarnera Savalimmiuni naalakkersuisuni uivertitsilerpoq, taakkumi aningaasanut inatsisissatut siunnersuummik tunniussinissaminnut inatsisartunit ullumimut piffissalerneqarsimammata.
Savalimmiuni naalakkersuisut aningaaserivimmik annaassiniarlutik aningaasaqarneq maanna annaanniartariaqalissagaat, Brynild Thomsen, Savalimmiuni aviisit annersaanni Dimmalættingimi akisussaalluni aaqqissuisuusoq DR-imi nuntaarsiassaleriffimmut taama naliliivoq.
Danmarkimi sullissaminnik sullissisinnaajunnaarlutik, Eik Bankip aamma nalunaarutigereerpaa.